Մեր մասին #

Էկոակտիվիզմի ակադեմիայի շրջանավարտները, համայնքային ակտիվիստները, բնապահպանները, կանաչ ձեռներեցները, գյուղացիները, զբոսաշրջության ներկայացուցիչները և Հայաստանի բոլոր շրջանների այլ մտահոգ քաղաքացիները հռչակել են «Կանաչ Խորհրդների Դաշնություն» Հռչակագիրը։
Բնապահպանության, սոցիալական և էկոլոգիական արդարության, մարդու իրավունքների, մասնակցային դեմոկրատիայի և կայուն համայնքային զարգացման արժեքների առաջնորդությամբ նրանք դիմում են Հայաստանի հիմնական մարտահրավերներին՝ բնապահպանական դեգրադացիա, սոցիալական անհավասարություն, տնտեսական անարդարություն, գյուղական շրջանի անկում, հանրային առողջության ռիսկեր և տեղական ժողովրդավարության խոցելիություն։
«Կանաչ Խորհրդների Դաշնություն» շարժումը հիմնվել է՝ միավորելու համայնքները և քաղաքացիներին համատեղ գործողությունների համար՝ պաշտպանելու բնությունը, խթանելու տեղական ժողովրդավարությունը, ապահովելու սոցիալական արդարություն և առաջ մղելու կանաչ քաղաքականություններ ամբողջ Հայաստանում։