«ԷԿՈ Խմբակ» Երիտասարդական-Բնապահպանական ՀԿ-ն և «ԱՐՄ ստրոնգ» Համայնքային Զարգացման Հասարակական կազմակերպությունները մեկնարկել են համատեղ նախաձեռնություն՝ Լոռու մարզի երիտասարդների ներգրավվածությունն ուժեղացնելու նպատակով։ Գործընկերությունը կենտրոնանում է ակտիվ մասնակցության խթանման, մեդիա գրագիտության բարձրացման և տեղեկատվական դիմակայունության ձևավորման վրա՝ միաժամանակ խրախուսելով ժողովրդավարական արժեքները ներառական և ոչ կուսակցական մոտեցմամբ։
Ծրագիրը իրականացվում է «Նոր ժողովրդավարության հիմնադրամ»-ի աջակցությամբ։

EGYE թիմը Կոպենհագենում մասնակցել է «4H Denmark»-ի կողմից կազմակերպված նախապատրաստական ուսումնական այցին՝ զարգացնելու երիտասարդների հմտությունները, ամրապնդելու հայ-դանիական համագործակցությունը և խթանելու բնապահպանական նախաձեռնությունները։

🎉 Մենք ուրախությամբ հայտարարում ենք, որ «ԷԿՈ Խմբակ» Երիտասարդական-Բնապահպանական ՀԿ-ի նոր ներքին կանոնակարգերը պաշտոնապես հաստատվել են 2026-2030 թվականների համար՝ կազմակերպության նախագահի նախաձեռնությամբ և Կառավարման խորհրդի անդամների որոշմամբ։

Այս կանոնակարգերը նախատեսված են բոլոր անդամների, աշխատակիցների և կամավորների համար՝ ապահովելով թափանցիկություն, հաշվետվողականություն և ընդգրկուն աշխատանքային միջավայր։

Մեր ճանապարհը սկսվեց 2019-ին որպես դպրոցական բնապահպանական ակումբ, և այսօր մենք արդեն երիտասարդական-բնապահպանական ՀԿ ենք:

🌍 Ի՞նչ ենք արել այս երկու տարում
✱ 8 հաջողված ծրագիր (2-ը երկարաժամկետ)
✱ 25 համագործակցություն
✱ 150+ շահառու

✨ Ամեն թիվ փոքր թվա՝ մեզ համար դրանք իրական հաղթանակներ են, որոնք ցույց են տալիս մեր համախմբվածությունը ու հավատը բնապահպանական գաղափարների մեջ:
💚 Շնորհակալ ենք բոլորին, ովքեր եղել են մեր կողքին: Գնացինք միասին, և դեռ շատ հետաքրքիր նախաձեռնություններ են առջևում:

🌿ԷԿՈ Խմբակ Երիտասարդական-Բնապահպանական ՀԿ-ն պաշտոնապես ստացել է Quality Label (QL)՝ որակի հավաստագիր Եվրոպական Միության Erasmus+ և Եվրոպական համերաշխության կորպուս ծրագրերի շրջանակում։
Այս ճանաչումը հաստատում է մեր կազմակերպության պատրաստակամությունը՝ ապահովելու որակյալ ծրագրեր, երիտասարդական մասնակցություն և միջազգային համագործակցություններ։

🌍 2025 թ. նոյեմբերի 20-ից դեկտեմբերի 2-ը Հայաստանի Երիտասարդական Կազմակերպությունների Միության (YOU) ներկայացուցիչ Սերյան Ենոքյանը մասնակցել է երկշաբաթյա ուսուցողական ծրագրին Մոլդովայի Քիշնև քաղաքում՝ «InTrainProgram» ծրագրի շրջանակում, որը իրականացվում է Մոլդովայի Ազգային Երիտասարդական Խորհրդի (CNTM) հետ համագործակցությամբ։

🤝 Ուսուցողական ծրագիրը կենտրոնացել է փորձի փոխանակման, երիտասարդական մասնակցության և միջազգային համագործակցության վրա, ընդգծելով երիտասարդական աշխատանքի լավագույն պրակտիկաները։ Ծրագրի ընթացքում ստեղծվել են նոր գործընկերություններ, և Մոլդովացի և Ուկրաինացի գործընկերների հետ միասին մշակվել է կարևոր համատեղ նախագիծ, որը շուտով կիրականացվի։